Ռոբերտ Նազարյան

Վիքիպեդիայում կան հոդվածներ Նազարյան ազգանունով այլ մարդկանց մասին։

Ռոբերտ Նիկոլայի Նազարյան
Ծնվել է	հունիսի 26, 1956(1956-06-26)
Ծննդավայր	Երևան, Հայկական ԽՍՀ, ԽՍՀՄ
Մահացել է	հունվարի 26, 2026(2026-01-26) (69 տարեկան)
Մահվան վայր	Երևան, Հայաստան
Քաղաքացիություն	Հայաստան
Կրոն	Հայ Առաքելական Եկեղեցի
Կրթություն	ՀԱՊՀ
Մասնագիտություն	քաղաքական գործիչ
Զբաղեցրած պաշտոններ	Երևանի քաղաքապետ
Պարգևներ և մրցանակներ	և

Ռոբերտ Նիկոլայի Նազարյան (հունիսի 26, 1956(1956-06-26), Երևան, Հայկական ԽՍՀ, ԽՍՀՄ - հունվարի 26, 2026(2026-01-26), Երևան, Հայաստան), ՀՀ պետական գործիչ, ՀՀ Հանրային ծառայությունները կարգավորող հանձնաժողովի նախկին նախագահ։

Կրթություն

• 1973 թ. ոսկե մեդալով ավարտել է Երևանի թիվ 46 դպրոցը,
• 1978 թ. ավարտել է Երևանի պոլիտեխնիկական ինստիտուտի շինարարական ֆակուլտետը՝ «Ինժեներ-շինարար» մասնագիտությամբ։

Աշխատանքային գործունեությունը

• 1978-1986 թթ. - Երևանի տնաշինական կոմբինատ՝ վարպետից մինչև տնօրեն։
• 1986-1987 թթ. - Երևանի խոշոր պանելային գործարանի տնօրեն։
• 1987-1988 թթ. - Երևանի Մաշտոցի կուսշրջկոմի բաժնի պետ։
• 1988-1990 թթ. - Երևանի տնաշինական կոմբինատի տնօրեն։
• 1990-1997 թթ. - Երևանի քաղխորհրդի գործկոմում՝ վարչության պետ, նախագահի տեղակալ։
• 1997-2000 թթ. - ՀՀ էներգետիկայի նախարարի տեղակալ։
• 2000 թ. փետրվարից մայիս - ՀՀ տրանսպորտի և կապի նախարար։
• 2000 թ. մայիսից 2001 թ. հունվար - ՀՀ էներգետիկայի նախարարի 1-ին տեղակալ։
• 2001 թ. հունվարից 2003 թ. հունիս - Երևանի քաղաքապետ։
• 2003 թ. մայիսի 25-ի ՀՀ Ազգային ժողովի ընտրություններում գլխավորել է «Հզոր հայրենիք» կուսակցության համամասնական ընտրացուցակը։
• 2003 թ. հուլիսի 2-ին նշանակվել է ՀՀ Հանրային ծառայությունները կարգավորող հանձնաժողովի նախագահ։
• 2008 թ. հունիսի 27-ին ՀՀ Նախագահի հրամանագրով վերանշանակվել է ՀՀ Հանրային ծառայությունները կարգավորող հանձնաժողովի նախագահ՝ հինգ տարի ժամկետով։
• 2013 թ. հուլիսի 1-ին վերանշանակվել է ՀՀ Հանրային ծառայությունները կարգավորող հանձնաժողովի նախագահ՝ հինգ տարի ժամկետով։

Պարգևներ և կոչումներ

• «Հայրենիքին մատուցած ծառայությունների համար» 2-րդ աստիճանի մեդալ (2013)։
• Ռուսաստանի Դաշնության բնական գիտությունների ակադեմիայի ակադեմիկոս։
• Բնության և հասարակության մասին Գիտությունների Միջազգային Ակադեմիայի իսկական անդամ։
• ԽՍՀՄ պետական մրցանակի դափնեկիր,
• Մարշալ Բաղրամյան, Համագործակցության, Աղետի գոտու վերականգնողական աշխատանքների ակտիվ մասնակցության, Անանիա Շիրակացու, Լեռնային Ղարաբաղի Հանրապետության երախտագիտության մեդալներ, Ֆրիտյոֆ Նանսենի հիմնադրամի «Ֆրիտյոֆ Նանսեն» մեդալ։

Ամուսնացած է, ունի 2 զավակ։

Նախորդող պաշտոնը հիմնադրվել է, Երվանդ Զախարյանը որպես ՀՀ Տրանսպորտի նախարար, Ռուբեն Տոնոյանը որպես ՀՀ Փոստի և հեռահաղորդակցության նախարար

ՀՀ տրանսպորտի և կապի նախարար Ռոբերտ Նազարյան փետրվարի 28 - մայիսի 20, 2000

Հաջորդող Էդուարդ Մադաթյան

Նախորդող Ալբերտ Բազեյան

Երևանի քաղաքապետ Ռոբերտ Նազարյան հունվարի 11, 2001 - հուլիսի 2, 2003

Հաջորդող Երվանդ Զախարյան

Նախորդող Վարդան Մովսիսյան

ՀՀ Հանրային ծառայությունները կարգավորող հանձնաժողովի նախագահ Ռոբերտ Նազարյան հուլիսի 2, 2003 -

Հաջորդող ներկայումս պաշտոնավարում է