梵蒂岡

梵蒂岡城國 Status Civitatis Vaticanae  （拉丁文） Stato della Città del Vaticano  （意大利文）
旗 國徽
國歌：Inno Pontificio  （意大利文） 《宗座讚歌》 noicon
國徽 Sigillum Status Civitatis Vaticanae  （拉丁文） Sigillo dello Stato della Città del Vaticano  （意大利文） 梵蒂岡城國國徽
梵蒂岡城國喺歐洲嘅位置
首都	梵蒂岡城 （城邦） 41°54.2′N 12°27.2′E
官方語言	意大利文 拉丁文
國家語言	拉丁文（法理上） 意大利文（實際使用）
宗教	天主教 （國教）
政府	神權選舉制絕對君主國
• 主權實體	教廷
• 教宗	良十四世
• 城國總督主席	拉法埃拉·彼得里尼
立法機關	宗座委員會
獨立  （自意大利）
• 拉特朗條約	1929年2月11號
面積
• 總計	0.49 km2（0.19 sq mi）（第195位）
人口
• 2024估計	882（第237位）
• 密度	1,800/km2（4,662.0/sq mi）（第7位）
GDP（PPP）	2021年估算
• 總計	€14,859,970
• 人均	€19,450.22
貨幣	歐元（€）（EUR）
時區	UTC+1 （中歐時間）
• 夏令時（DST）	UTC+2 （中歐夏令時間）
行車方向	靠右行
電話區號	+379
ISO 3166代碼	VA
互聯網頂級域	.va
∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。 ∗IMF網站嘅人均GDP數字，同用GDP除以上面人口數得出嚟嘅數有可能唔一樣。

梵蒂岡城，正式叫做梵蒂岡城國（粵拼：faan6 dai3 gong1 sing4 gwok3；意大利文：Stato della Città del Vaticano；拉丁文：Status Civitatis Vaticanae），簡稱梵蒂岡，係一個內陸嘅主權城邦。國家由教宗統治，係天主教嘅中心。地理上完全俾意大利首都羅馬包圍，係世界上最細嘅國，面積得0.44平方千米（差唔多6個足球場咁大）。通貨用歐元，國花係百合。梵蒂岡喺地理上雖然係細國，但係喺政治同文化上好有影響力。梵蒂岡城係由聖座管治，係由教宗同羅馬教廷組成、負責管理天主教會同梵蒂岡城嘅中央機構。聖座本身喺國際法之下係一個有主權嘅實體，擁有世俗權力、外交地位同宗教上嘅獨立性。喺一般用語入面，「梵蒂岡」亦成日用嚟轉喻聖座。而家嘅梵蒂岡城國係喺 1929 年，透過聖座同意大利王國簽訂嘅拉特朗條約而成立。條約講明梵蒂岡城係個新國家，而唔係以前曾經統治過大半個意大利中部嘅教宗國（756–1870）嘅延續。

梵蒂岡城面積得 48.99公頃（121英畝），2024 年人口大約 882 人，係全世界面積同人口都最細嘅主權國家，亦係唯一一個人口少過一千人嘅國家。同時，佢亦係全球人口最少嘅首都之一。作為一個由聖座管治嘅國家，梵蒂岡城屬於一種教權或司鐸式嘅君主制國家，由身兼羅馬主教同天主教會領袖嘅教宗統治；國家最高層嘅官員全部都係嚟自唔同地區嘅天主教神職人員。聖座嘅歷史可以追溯到早期基督教時期，係天主教會最重要嘅主教座。截至 2018 年，全世界受洗嘅天主教徒大約有 13.29 億人，分屬拉丁教會同 23 個東儀天主教會。

喺亞維農教廷時期（1309–1377）之後，教宗大多數時間都住喺而家嘅梵蒂岡城入面嘅宗座宮，不過歷史上亦試過住喺羅馬嘅奎里納雷宮或者其他地方。梵蒂岡城入面有唔少重要嘅宗教同文化景點，包括聖伯多祿大殿、西斯汀小堂、梵蒂岡宗座圖書館同梵蒂岡博物館，收藏咗大量世界知名嘅畫同雕塑。梵蒂岡城嘅經濟主要靠全球天主教徒嘅聖伯多祿獻金、郵票同紀念品銷售、博物館入場費，以及出版物收入支持。梵蒂岡城唔徵稅，入面嘅貨品亦免關稅。

名源

「梵蒂岡城」呢個名最早係喺 1929 年 2 月 11 號簽嗰份《拉特朗條約》入面出現嘅，用嚟稱呼嗰陣新成立、喺羅馬入面嘅城邦國家。呢個名其實係跟返國家所在地梵蒂岡山嚟改嘅。

至於「梵蒂岡」（Vatican）呢個名本身出自一個伊特魯里亞人聚居地嘅名，叫做 Vatica 或 Vaticum，位置大概喺古羅馬人叫做 Ager Vaticanus（「梵蒂岡地區」）嘅地方。

意大利文入面，城市叫做 Città del Vaticano，正式名稱係 Stato della Città del Vaticano，意思即係「梵蒂岡城國」。拉丁文名稱係 Status Civitatis Vaticanae，而呢個名稱會用喺聖座、教會同教宗發出嘅正式文件入面。

歷史

梵蒂岡，拉丁話嘅意思係「先知嘅地方」。早喺4世紀，有人為咗紀念殉難嘅耶穌門徒聖伯多祿（聖彼得），就喺羅馬城西北角佢殉難嘅地方起咗間君士坦丁大教堂。到咗15至16世紀，君士坦丁大教堂改成依家嘅聖伯多祿大殿，變成天主教會舉行最隆重儀式嘅場所；公元756年，法蘭克王國國王丕平三世將羅馬城同周圍嘅區域送畀教宗。1870年意大利統一之後，教宗被迫退居羅馬城西北角嘅梵蒂岡宮之中；1929年2月11號，意大利政府同教宗庇護十一世簽咗《拉特蘭條約》，意大利承認梵蒂岡，視佢為主權國，主權屬教宗，梵蒂岡屬於中立國，佢嘅國土「神聖不可侵犯」。

政治

梵蒂岡係一個「宗教領袖制國」，梵蒂岡嘅元首係教宗。教宗由 80 歲以下嘅樞機嚮西斯汀禮拜堂度搞嘅教宗選舉（英文：conclave）上選舉產生嘅，任期終身。

教廷雖然有國家嘅樣，其實只係存在、建基響全世界教友嘅信仰之上，所以佢嘅政治制度同普通嘅國家唔同。其中樞組織包括：

• 國務院（拉丁文：Cardinalis Secretārius Statūs；意大利文：Segretario di Stato di Sua Santità il Sommo Pontefice）：綜理教廷行政，掌理教宗嘅樞密事務，首長係國務院長（又叫國務卿，現任嘅國務院長係意大利籍嘅帕羅林樞機），國務院之下設有：

• 一般事務處（掌內政）同外交處；
• 九個聖部（拉丁文：Congregatio ，意大利文：Congregazione）：教義部、東方教會部、聖事禮儀部、冊封聖人部、主教部、萬民福音部、聖職部、修會部、教育部。

• 宗教法院，下轄：

• 一名大法官（Giudice Unico）；
• 仲裁法庭（Tribunale），由四名法官組成；
• 上訴法庭（Corte d'Appello），由四名法官組成；
• 最高法庭（Corte di Cassazione），由三名法官組成。
• 十一個教務委員會（Pontifici consiglio）：平信徒委員會、基督徒合一促進委員會、家庭委員會、正義暨和平委員會、一心委員會、移民暨觀光委員會、醫療牧靈委員會、法典條文解釋委員會、宗教協談委員會、文化委員會、大眾傳播委員會（以上各機關首長多由樞機擔任，任期五年）。

• 另外重有事務機關：宗座財務局、教廷財產管理局、教廷經濟事務局、教廷內務管理處、教宗禮儀處、分別掌理特定事務嘅委員會。
• 此外，教宗為治理梵蒂岡城邦，另設有一個半獨立嘅立法機關「梵蒂岡城國管理委員會」（Pontificia Commissione per lo Stato della Città del Vaticano）。

聖座（拉丁文：Sāncta Sēdes，意大利文：Santa Sede）係教宗以及佢嘅顧問嚮向全球各地嘅羅馬天主教會發出指令時所用嘅正式名，係全球羅馬天主教會嘅「中央政府」，享有主權國一樣嘅地位，可以以主權國嘅身份簽訂國際性條約或加入國際組織。教皇授權主教委員會負責管理梵蒂岡嘅日常事務。梵蒂岡嘅法律體系嚟自教會嘅教規，當天主教教規唔適用時候，就用羅馬市嘅法律。

梵蒂岡可以以主權國嘅身份，向其他主權國派出外交官，亦可以接受由其他國派出嘅外交官。但係由於個國面積太細，所以其他國派去梵蒂岡嘅外交官一般都嚮羅馬度整大使館。噉樣做所造成嘅一個幾得意嘅結果係，意大利駐梵蒂岡嘅大使館係設嚮本國境內嘅。梵蒂岡同中華民國有外交來往，目前亦正喺度嘗試同中華人民共和國改善關係，但係由於中華人民共和國同梵蒂岡就主教任命、愛國會地位同承唔承認中華民國等問題一直達唔成共識，所以中梵建交依然困難重重。

地理

梵蒂岡城國地圖

喺意大利首都羅馬城西北部，台伯河西岸嘅高地之上，以梵蒂岡城牆為國界標誌，屬亞熱帶地中海氣候，平均氣溫1月 7℃，7月 24℃。

名勝：聖伯多祿廣場、聖伯多祿大教堂、梵蒂岡博物館。

經濟

梵蒂岡冇工農業，亦冇自然資源，公共財政嘅收入主要靠旅遊、郵票、出租不動產、特別財產款項嘅銀行利息、梵宗教銀行盈利係嚟自送畀教宗嘅貢款、同埋教徒嘅捐款等。梵蒂岡嚮北美、歐洲多個國有幾百億美金嘅投資，其資本滲透到意大利眾多嘅經濟部門，特別係銀行信貸同不動產系統，僅地產一項就高達 46 萬幾公頃。黃金、外匯儲備達到 100 幾億美元。

1970年代中期以來，喺西方經濟危機嘅衝擊之下，梵蒂岡面對嚴重嘅財政困難，特別係銀行投資失誤同增加梵工作人員人工之後，財政年年都有赤字。1994年梵蒂岡財政盈餘 41.2 萬蚊美金，收入 1.7428 億蚊美金，支出 1.7387 億蚊美金。

人口

梵蒂岡城內大約有10名「常住」居民。梵蒂岡嘅公民大部分係神職人員，包括主教、神父、修女，同埋出名嘅瑞士衛隊（一支教宗嘅志願禁衛隊）。重有大約 8名世俗工人，佢哋係梵蒂岡嘅主要勞動力，但都唔係住嚮梵蒂岡城之內。

梵蒂岡嘅官方語言係拉丁話，一種源自羅馬但就快絕種嘅語言。嚮大多數嘅交談、出版物、廣播中，主要使用嘅係意大利話同其他話。

文化

喺意大利境內嘅梵蒂岡邊境門，過咗個門就係梵蒂岡。佢唔似其它國界邊境噉有整關卡。

梵蒂岡城本身就係一件偉大嘅文化瑰寶，城內嘅建築好似聖伯多祿大殿、西斯汀禮拜堂等都係世界上重要嘅建築作品，包括咗波提切利、貝爾尼尼、拉斐爾、米高安哲羅嘅作品。梵蒂岡都擁有一個館藏豐富嘅圖書館，以及一個博物館，專門收藏具有歷史、科學同文化價值嘅藝術品。

梵蒂岡嘅日常生活具有濃厚嘅宗教色彩，每逢星期日，聖伯多祿廣場天主教徒聚集，中午 12 點，隨著教堂鐘聲響起，教宗就會喺聖伯多祿大教堂樓頂正中嘅窗出現，向教徒發表演講，梵蒂岡嘅瑞士衛隊每年5月6號嚮聖達馬索院舉行宣誓儀式，誦念 5 個幾世紀來一直未改過嘅誓詞，祈求上帝保佑自己圓滿完成任務，效忠教宗可以獻出自己嘅生命。

科學

跟隨教宗庇護九世喺1847年創立嘅新林切宗座學院嘅腳步，教宗庇護十一世喺1936年誕生咗宗座科學院。呢個位於庇護四世別墅嘅學院，保證咗學術自由，為數學、物理科學（包括天文學、地球科學、物理學同化學）同自然科學（例如醫學、神經科學、生物學、遺傳學、生物化學）作出貢獻，仲要面對知識論嘅問題，亦都對科學史有興趣。喺啲院士當中，有或者曾經有天體物理學家馬丁·約翰·里斯、數學家塞德里克·維拉尼、理論物理學家愛德華·威頓、諾貝爾化學獎得主珍妮弗·杜德納同埃馬紐埃爾·沙邦提耶，仲有歐內斯特·盧瑟福、遺傳學家路易吉·盧卡·卡瓦利-斯福爾扎同法蘭西斯·柯林斯、頭部移植先驅羅伯特·J·懷特，同埋諾貝爾生理學或醫學獎得主亞歷山大·弗萊明。

宗座社會科學院係另一個位於梵蒂岡城嘅聖座宗座學院，佢亦都處理人類學、傳播學、信息科學、控制論、經濟學、教育學、地理學、歷史學、法律、語言學、政治學、心理學、行為科學、社會學同人口統計學。而專注於生物倫理學同科技倫理嘅宗座生命學院，佢嘅所在地就喺聖卡利斯托宮，呢個係梵蒂岡嘅一個域外屬地。

一啲梵蒂岡望遠鏡屬於一個叫做梵蒂岡天文台嘅天文學機構，佢哋參與咗製作天空圖，但因為佢哋所在地（梵蒂岡城嘅梵蒂岡花園同埋近聖伯多祿大殿嘅地方，仲有梵蒂岡域外嘅岡道爾福堡）嘅光害問題，呢啲望遠鏡逐漸變得冇用或者喺研究用途上受到限制。不過，起源可以追溯到16世紀嘅梵蒂岡天文台，仍然繼續為天文研究作出貢獻，特別係透過同亞利桑那大學嘅合作，同埋喺亞利桑那州嘅紅外線同可見光梵蒂岡先進技術望遠鏡。佢仲要為天文教育同「科普」項目出力。作為國際天文聯合會同國際相對論天體物理中心嘅成員，佢仲要處理宇宙模型、恆星分類、聯星同星雲嘅研究。此外，佢仲為加州柏克萊嘅神學與自然科學中心嘅哲學跨學科研究作出貢獻，仲因為佢嘅大型圖書館而為天文學史研究出力，呢個圖書館仲包括一個隕石收藏。

交通

梵蒂岡最近嘅機場係意大利羅馬嘅費米奇諾（Fiumicino）國際機場。

由羅馬火車站（Roma Termini）可以搭 40 號或者 64 號巴士，又或者搭羅馬地鐵（Metropolitana）A 線（Linea A）到達 Ottaviano 站，沿 Via Ottaviano 行大概10分鐘就到梵蒂岡。

喺意大利同梵蒂岡嘅國民就知，梵蒂岡喺出入境方面冇任何限制，甚至連過境關卡都冇整到。如果你有意大利或梵蒂岡嘅護照，一樣都可以成功自由出入意大利。

相

梵蒂岡嘅全景

睇埋

• 教宗選舉
• 梵蒂岡電台

出面網頁

• 梵蒂岡嘅官方網站
• 〈国家概况 — 中华人民共和国外交部〉 (簡體中文)。中華人民共和國外交部。
• 〈教廷 The Holy See - 歐洲地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Holy See - United States Department of State" (英文). 美國國務院.
• 梵蒂岡喺中央情報局《世界概況》嘅資料 （英文）
• 〈バチカン市国 ｜ 外務省〉 (日文)。日本外務省。
• "Holy See, The - Department of Foreign Affairs and Trade" (英文). 澳洲外交貿易部.