Յըլդըզ զբոսայգի
 թուրքերեն՝ Yıldız Parkı | |
|---|---|
 | |
| Տեսակ | պուրակ և տեսարժան վայր |
| Մասն է | Յըլդըզ[1] |
| Երկիր |  Թուրքիա[1] |
| Վարչատարածք | Բեշիքթաշ[1] |
| Ճարտարապետական ոճ | օսմանյան ճարտարապետական ոճ[2] |
| Մակերես | 287.000 |
| 41°02′54″N 29°00′56″E / 41.04833333°N 29.01555556°E | |
| Lua error in Մոդուլ:Location_map at line 526: Unable to find the specified location map definition: "Module:Location map/data/Թուրքիա" does not exist. | |
Յըլդըզ զբոսայգի (թուրքերեն՝ Yıldız Parkı), պատմական զբոսայգի Ստամբուլի Բեշիկթաշ շրջանում։ Ստամբուլի ամենախոշոր զբոսայգիներից մեկն է։ Գտնվում է Յըլդըզ թաղամասում՝ Յըլդըզ և Չըրաղան պալատների միջև։
Պատմություն
[խմբագրել | խմբագրել կոդը]Յըլդըզ զբոսայգին երբեք չի եղել Յըլդըզ պալատի մի մասը։ Այն նախատեսված է եղել միայն կառավարող դինաստիայի սուլթանների զբոսանքի համար։
Բյուզանդիայի ժամանակ զբոսայգու տարածքում եղել է անտառ։ Սուլեյման I-ի կառավարման ժամանակ, անտառը հայտարավել է որպես սուլթանների անձնական որսավայր։ Հաջորդ դարերի ընթացքում, զբոսայգին օգտագործվել է որպես երկու պալատները իրար կապող պուրակ։ Տեղանքը ակտիվորեն զարգացել է Յըլդըզ պալատի (թուրքերեն՝ Yıldız Kasrı) շինարարության հետ մեկտեղ։ Վերջինս կառուցվել է 19-րդ դարում սուլթան Սելիմ III-ի հրամանով։
Պալատի մոտ կառուցվել է զբոսայգի (0,10 կմ2), որը շրջափակված է եղել բարձր պարիսպներով, որոնք առանձնացվել են պուրակից սուլթան Աբդուլ Համիդ II-ի կառավարման ժամանակ։ Այգում կառուցվել են նաև արհեստական լճակ, տաղավարներ, ամառային տնակներ և ճենապակու գործարան։
Ներկայումս Յըլդըզ զբոսայգին պալատական զբոսայգի է, որտեղ կուլտիվացվել են աշխարհի տարբեր տարածաշրջաններից բերված ծաղիկներ, բույսեր և ծառեր։ Զբոսայգին իր ժամանակակից տեսքը ստացել է դեռևս Օսմանյան կայսրության անկման ժամանակաշրջանում։ Զբոսայգուց տեսարան է բացվում դեպի Բոսֆորի նեղուցը։ Զբոսայգին ստամբուլաբնակների սիրելի զբոսավայրերից մեկն է։ «Չադիր» և «Մալթական կրպակ» տաղավարներում գործում են սրճարաններ։
Զբոսայգին բաղկացած է երկու հատվածներից։ Այգու ներքին հատվածը բաց է հասարակության համար և ներառում է Շալեն, Չադիրը և Մալթական կրպակը, ինչպես նաև ճենապակու մանուֆակտուրան։ Զբոսայգում աճում են մագնոլիա, դափնի, ցերցիս եվրոպական, լայմ և ձիակասկ։ Բացի այդ, այգում աճում են նաև կաղնի, կիպարիս, սոճի, կենի, մայրի և հացենի։ Այստեղ գործում են արհեստական երկու պուրակներ։
Պատկերասրահ
[խմբագրել | խմբագրել կոդը]
ПՉադըր տաղավարը
Մալթական կրպակը
Շալե տաղավարի գլխավոր մուտքը
Ճենապակու մշակման մանուֆակտուրա
Տեղի մանուֆակտուրա տանող ճանապարհը
Չիրաղան պալատը և Յըլդըզ այգին 19-րդ դարում
Աղբյուրներ
[խմբագրել | խմբագրել կոդը]- Официальный сайт Правительства Стамбула — Парк и дворец Йылдыз Արխիվացված 2007-06-29 Wayback Machine
 | Վիքիպահեստն ունի նյութեր, որոնք վերաբերում են «Յըլդըզ զբոսայգի» հոդվածին։ |
|
