Միխայիլ Օվչիննիկով

Միխայիլ Օվչիննիկով
Ծնվել է	դեկտեմբերի 27, 1913
Ծննդավայր	Պարիժ, Նագայբակսկի շրջան, Չելյաբինսկի մարզ
Վախճանվել է	1989 կամ 1987
Մասնագիտություն	գրող և դրամատուրգ
Քաղաքացիություն	Ռուսական կայսրություն և ԽՍՀՄ
Կրթություն	Ա.Մ. Գորկու անվան գրական ինստիտուտի բարձրագույն գրական դասընթացներ (1959)
Պարգևներ	և
	Միխայիլ Օվչիննիկով Վիքիդարանում

Միխայիլ Ֆեոդորովիչ Օվչիննիկով (դեկտեմբերի 27, 1913(1913-12-27), Պարիժ, Նագայբակսկի շրջան, Չելյաբինսկի մարզ^[1] - 1989 կամ 1987), ռուս արձակագիր, լրագրող, դրամատուրգ, կինոսցենարիստ, ՀՀ Գրողների միության անդամ 1942 թվականից։

Կենսագրություն

Միխայիլ Օվչիննիկովը ծնվել է Մերձուրալյան Սուխտելի կազակական ստանիցայում։ Փոքր հասակում զրկվել է ծնողներից։ Մեծացել է Կոնգուրսկի աշխատանքային կոմունայում։ Աշխատել է որպես փականագործ, կինոմեխանիկ։ 1937 թվականից մշտական բնակություն է հաստատել Հայաստանում։

Ստեղծագործական կյանք

1937 թվականին Երևանի Կոնստանտին Ստանիսլավսկու անվան ռուսական թատրոնում բեմադրվել են նրա «Վաղը», «Շրջադարձ» (1956), «Փարիզի աղջամուղջում» (1965), 1950 թվականին Երևանի Գաբրիել Սունդուկյանի անվան թատրոնում՝ «Խիզախում» դրամաները։

Հայֆիլմը նրա սցենարներով նկարահանել է «Ակն ընդ ական» (1941), «Ինչու է աղմկում գետը» (1958), «Տասներկու արբանյակներ» (1960), «Դժվար անցում» (1962), «Կրակոց սահմանի վրա» (1972) կինոնկարները։

Ռուսերեն լույս են տեսել նրա «Հանդիպում հերոսի հետ» (1940), «Իմ բարեկամներն ու ծանոթները» (1948), «Պատահական հանդիպումներ» (1959), «Դժվար անցում» (1962), «Հատուկ առաքելություն» (1979) գրքերը։

Երկեր

Պիեսների ժողովածու (գիրք երկրորդ), 1951 թ
Պիեսների ժողովածու, 1952 թ
Պիեսների ժողովածու, 1955 թ
Խիղճը (պիես մեկ գործողությամբ), Ե., Հայպետուսմանկհրատ, 1956, 32 էջ։
Նվիրական երգ (պիես մեկ գործողությամբ, երկու պատկերով), Ե., Հայպետհրատ, 1958, 27 էջ։ Թարգմ.՝ Արտաշես Բաբայան։
Աղմկում է Արաքսը (ակնարկներ սահմանապահների մասին), Ե., Հայաստան, 1968, 95 էջ։

Մամուլ

Խոտանի դեմ։ «Գրական թերթ», 1948, № 1:

Գրականություն

Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 576.

Ծանոթագրություններ

1 2 3 Հայկական սովետական հանրագիտարան, հատոր 12 (հայ.) — հատոր 12. — էջ 576.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 576)։

Վիքիդարանն ունի նյութեր, որոնք վերաբերում են «Միխայիլ Օվչիննիկով» հոդվածին։

[_e9dd71dd07f634d7-1] 1 2 3 Հայկական սովետական հանրագիտարան, հատոր 12 (հայ.) — հատոր 12. — էջ 576.

[1]