Ղազար Հակոբյան

Ղազար Հակոբյան;
Ծննդավայր	Երևան
Կրթություն	Ռուսաստանի Կ. Է. Ցիոլկովսկու անվան պետական տեխնոլոգիական համալսարան (2005)
Մասնագիտություն	հասարակական գործիչ և տնտեսագետ

Վիքիպեդիայում կան հոդվածներ Հակոբյան ազգանունով այլ մարդկանց մասին։

Ղազար Հակոբյան (ծնվ.՝ սեպտեմբերի 24, Երևան), հայ տնտեսագետ, հասարակական գործիչ։ Street Workout Armenia կազմակերպության համահիմնադիր և Run Armenia կազմակերպության հիմնադիր^[1]։

Կենսագրություն

Ծնվել է սեպտեմբերի 24-ին Երևանում։ Մանկության մի հատվածն անցել է Երևանում, մյուսը՝ Ավշար գյուղում, Արարատի մարզ։ 13 տարեկան հասակում ընտանիքով տեղափոխվել է Դոբրոպոլյե, Ուկրաինա, ապա՝ Մոսկվա, Ռուսաստան։ Մոսկվայում մասնակցելով RepatArmenia կազմակերպության դասընթացին, որոշել է հայրենադարձվել Հայաստան։ 2014 թվականին ընտանիքով հայրենադարձվել է Հայաստան։

2000 թվականին ավարտել է Մոսկվայի թիվ 197 միջնակարգ դպրոցը։
2000-2005 թվականներին սովորել և ավարտել է Կ. Է. Ցիոլկովսկու անվան ռուսական պետական տեխնոլոգիական համալսարանի տնտեսագիտության ֆակուլտետը, Մոսկվա։

Համալսարանը ավարտելուց հետո աշխատել է ֆիտնեսի բնագավառում, դառնալով պարի ակումբի ղեկավար, ապա՝ Ֆիտնեսի ակադեմիայի մեթոդիստ։

2011-2013, աշխատել է մի շարք կազմակերպություններում։
2014 թվականից, համահիմնադրել և աշխատում է Street Workout Armenia կազմակերպությունում^[2]^[3]։
2015 թվականից, հիմնադրել և աշխատում է Run Armenia կազմակերպությունում
2015 թվականից, համահիմնադրել և աշխատում է Wonderice կազմակերպությունում։