Արտյոմ Երկանյան
- Վիքիպեդիայում կան հոդվածներ Երկանյան ազգանունով այլ մարդկանց մասին։
| Արտյոմ Երկանյան Արտեմ Լևոնի Երկանյան | |
|---|---|
| Ծնվել է | մարտի 15, 1971 (55 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Վ․ Բրյուսովի անվան պետական համալսարան |
| Մասնագիտություն | հաղորդավար, մեկնաբան, լրագրող և հեռուստահաղորդավար |
| Աշխատանք | 1988-ից |
| Աշխատատու | Միր, Առաջին ալիք, Հայաստանի Հանրային Հեռուստաընկերություն, Ինտերնյուզ և Շանթ հեռուստաընկերություն |
| Անդամություն | Հայաստանի ժուռնալիստների միություն |
Արտյոմ Լևոնի Երկանյան (իսկական անունը՝ Արտեմ, մարտի 15, 1971, Երևան, Հայկական ԽՍՀ, ԽՍՀՄ), հայ հաղորդավար, մեկնաբան, լրագրող։
Կենսագրություն
[խմբագրել | խմբագրել կոդը]1993 թվականին սովորել է Վալերի Բրյուսովի անվան պետական լեզվաբանական ինստիտուտի ռուսաց լեզվի և գրականության ֆակուլտետում։
1988-1998 թթ. թղթակցել և խմբագրել է բազմաթիվ թերթեր և ամսագրեր՝ «Կոմսոմոլ», «Գործարար աշխարհ», «Հայկական բորսայի տեղեկագիր», «Ժամանակ», «Հայաստանի Հանրապետություն», «Բրավո», «Բորսային լուրեր», «Նոր սերունդ»։
1990 թվականից՝ Հայաստանի Ժուռնալիստների միության, 1995 թվականից Երևանի մամուլի ակումբի անդամ է։
1998 թ. եղել է «Միր» հեռուստաընկերության լրատվական մեկնաբան։
1998-1999 թթ.աշխատել է Ռուսաստանի Առաջին ալիքի «Ժամանակ», «Լուրեր», «Առավոտ» հաղորդումների թղթակից, 2000-2001 թթ.՝ «Ինտերնյուզ» կազմակերպության հայաստանյան գրասենյակի «Ճակատային գծում» հաղորդման պրոդյուսեր և հաղորդավար։
2000-2003 թթ․ Հանրային հեռուստաընկերությունում ռուսերեն լեզվով վարել է «Հայլուր» լրատվական հաղորդումը։
Հեղինակել է մի քանի դոկումենտալ ֆիլմեր և ռեպորտաժներ, որոնց համար արժանացել է մրցանակների։
2002 թվականից թղթակցում է «Կոմերսանտ» թերթին։
2003 թվականից հանդիսանում է «Շանթ» հեռուստաընկերության լրատվական ծառայության խմբագիրը։
2009 թ․ արժանացել է Երևանի Մամուլի ակումբի, 2010 թ.` Ռուսալեզու հեռուստատեսային և ռադիոհաղորդումների միջազգային 5-րդ փառատոնի մրցանակներին։
2010 թվականի սեպտեմբերի 2-ից մինչև 2011 թվականի հուլիսի 28-ը հեղինակել և վարել է «Հայկական աշխարհ» հաղորդաշարը։
2011 թվականի հունվարի 23-ից հեղինակել և վարել է «Աշխարհի հայերը» հաղորդաշարը[1]։
