Առուշան Հակոբյան
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
- Վիքիպեդիայում կան հոդվածներ Հակոբյան ազգանունով այլ մարդկանց մասին։
| Առուշան Հակոբյան | |
 | |
| Կրթություն՝ | Երևանի անասնաբուծական-անասնաբուժական ինստիտուտ և Մոսկվայի բարձրագույն կուսակցական դպրոց |
|---|---|
| Գիտական աստիճան՝ | Տեխնիկական գիտությունների թեկնածու |
| Մասնագիտություն՝ | պետական գործիչ |
| Գործունեություն՝ | 1988 – 1991թթ. ՀԿԿ Արարատի շրջկոմի 1-ին քարտուղար
1992 – 1996թթ. ՀՀ Գերագույն Խորհրդի աշխատակազմի ղեկավար 1996 – 2018թթ. ՀՀ Սահմանադրական դատարանի աշխատակազմի ղեկավար |
| Ազգություն | Հայ |
| Ծննդյան օր | ապրիլի 12, 1948 (78 տարեկան) |
| Ծննդավայր | Դամալա |
| Քաղաքացիություն |  Հայաստան |
| Պարգևներ |
«Արդարադատության բարձրագույն պետական խորհրդականի» դասային աստիճան, 2007թ. օգոստոսի 29 Մխիթար Գոշի մեդալ «Պետական կառավարման համակարգում երկարամյա անբասիր գործունեության համար», 2016թ. դեկտեմբերի 28 |
Առուշան Հովհաննեսի Հակոբյան (ապրիլի 12, 1948 թ., Դամալա, Ախալցիխեի շրջան, Վրացական ԽՍՀ, ԽՍՀՄ), ՀՀ պետական և քաղաքական գործիչ։
Կրթություն
[խմբագրել | խմբագրել կոդը]1965 թվականին Ա. Հակոբյանը գերազանցությամբ ավարտել է Վրաստանի Ախալցիխեի շրջանի Դամալայի միջնակարգ դպրոցը։ 1970 թվականին գերազանցությամբ ավարտել է Երևանի անասնաբուծական-անասնաբուժական ինստիտուտի (ԵրԱԱ) կաթի և կաթնամթերքների տեխնոլոգիայի ֆակուլտետը, ստացել ինժեներ-տեխնոլոգի մասնագիտություն։ 1967 - 1970 թվականներին եղել է Երևանի ԱԱԻ ՈՒԳԸ կենտրոնական խորհրդի նախագահ: 1970 - 1973 թվականներին սովորել է ԵրԱԱ ինստիտուտի ստացիոնար ասպիրանտուրայում (պաշտպանել ատենախոսություն և ստացել տեխնիկական գիտությունների թեկնածուի գիտական աստիճան)։ 1978 - 1982 թվականներին սովորել է ԽՄԿԿ ԿԿ բարձրագույն դպրոցում (Հասարակական գիտությունների ակադեմիա), ավարտել է գերազանցությամբ և ստացել քաղաքագետի մասնագիտություն։
Աշխատանքային գործունեություն
[խմբագրել | խմբագրել կոդը]Ա. Հակոբյանը 1970 թ. աշխատել է Վայքի կաթնամթերքների արտադրության գործարանի գլխավոր ինժեներ:
1973 - 1976 թվականներին՝ ԵրԱԱ ինստիտուտի տեխնոլոգիական պրոբլեմային լաբորատորիայի ավագ գիտաշխատող:
1973 -1976 թվականներին՝ ԵրԱԱ ինստիտուտի տեխնոլոգիական ֆակուլտետի դասախոս։
1975 - 1976 թվականներին՝ ԵրԱԱ ինստիտուտի ԼԿԵՄ կոմիտեի ազատված քարտուղար:
1976 - 1977 թվականներին՝ ՀԼԿԵՄ Կենտկոմի արդյունաբերության և գյուղական երիտասարդության բաժնի վարիչ:
1977 - 1982 թվականներին՝ ՀԼԿԵՄ Կենտկոմի քարտուղար:
1977 - 1982 թվականների՝ Երիտասարդ դասախոսների դպրոցի դասախոս:
1982 - 1983 թվականներին՝ ՀԿԿ Մասիսի շրջկոմի երկրորդ քարտուղար:
1983 - 1987 թվականներին՝ Մասիսի շրջանային խորհրդի գործկոմի նախագահ[1]։
1987 - 1988 թվականներին՝ ՀԿԿ Կենտկոմի ագրոարդյունաբերության բաժնի վարիչի առաջին տեղակալ։
1988 - 1991 թվականներին՝ ՀԿԿ Արարատի շրջկոմի առաջին քարտուղար[2]:
1991 - 1992 թվականներին՝ ՀՀ Ձկնային կոմիտեի նախագահի առաջին տեղակալ[3]։
1992 - 1996 թվականներին՝ Հայաստանի Հանրապետության Գերագույն Խորհրդի (Ազգային Ժողովի) աշխատակազմի ղեկավար[4]։
1996 - 2018 թվականներին՝ Հայաստանի Հանրապետության Սահմանադրական դատարանի աշխատակազմի ղեկավար (գլխավոր քարտուղար)[5][6]:
1996 թվականից առ այսօր՝ «ՀՀ Սահմանադրական իրավունքի կենտրոն» հ/կ գործադիր տնօրեն։
2002 թվականից առ այսօր՝ «Տերյան մշակութային կենտրոն» հ/կ նախագահ (հիմնադիր)։
2006 թ. հունվարի 4-ից մայիսի 25-ը՝ Հայաստանի Հանրապետության Մարդու իրավունքների պաշտպանի լիազորություններն իրականացնող հանձնաժողովի նախագահ[7]։
Հավելյալ տեղեկատվություն
[խմբագրել | խմբագրել կոդը]1996 - 2018 թվականներին Ա. Հակոբյանը եղել է ՀՀ Սահմանադրական դատարանի "Պաշտոնական տեղեկագիր" պարբերականի գլխավոր խմբագիր:
1998 - 2018 թվականներին՝ «Սահմանադրություն և իրավունք» Հանրապետական ութ օլիմպիադաների կազմկոմիտեների նախագահ։
2000 - 2018 թվականներին՝ ղեկավարել է «ՀՀ Սահմանադրական իրավունքի կենտրոն»-ի և Եվրախորհրդի Վենետիկի հանձնաժողովի կողմից հրատարակվող «Almanaсh» ամենամյա միջազգային քառալեզու (հայերեն, անգլերեն, ռուսերեն, ֆրանսերեն) հանդեսի հրատարակչական խումբը (առաքվել է աշխարհի 120 երկիր՝ բազմափթիվ գիտական կենտրոններ, ուսումնական հաստաատություններև սահմանադրական դատարաններ):
2007 - 2018 թվականներին՝ «Սահմանադրական արդարադատությունը նոր հազարամյակում» («Конституционное правосудие в новом тысячелетии») երկլեզու պարբերականի հրատարակչական խմբի ղեկավար:
2012 - 2018 թվականներին՝ «Նոր ժողովրդավարության երկրների սահմանադրական վերահսկողության մարմինների լրատու» (Вестник органов контитуционного контроля стран новой демократии) պարբերականի հրատարակչական խմբի ղեկավար։
1996 թ. հոկտեմբերի 9-ին Ա. Հակոբյանն ընտրվել է ՀՀ գյուղատնտեսական գիտությունների ակադեմիայի ակադեմիկոս։
1977 - 1982 թվականներին եղել է ՀԽՍՀ ժողովրդական վերահսկողության կոմիտեի անդամ։
1978 թ. ընտրվել է Կուբայում անցկացված Երիտասարդության համաշխարհային 8-րդ փառատոնի համամիութենական կազկոմիտեի անդամ։ Այնուհետև պարգևատրվել է "Երիտասարդության 8-րդ համաշխարհային փառատոնի նախապատրաստմանն ու անցկացմանն ակտիվ մանակցության համար" Խորհրդային կառավարության մեդալով:
Ա․ Հակոբյանը եղել է «Դամալա» ազգագրական-հայրենագիտական հանդեսի խմբագրական խորհրդի նախագահ։
Կոչումներ, պարգևներ
[խմբագրել | խմբագրել կոդը]2007 թ. օգոստոսի 29-ին Ա. Հակոբյանին շնորհվել է «Արդարադատության բարձրագույն պետական խորհրդականի» դասային աստիճան[8]։
1978 թ. դեկտեմբերի 27-ին և 1980 թ. մարտի 26-ին պարգևատրվել ՀԽՍՀ ժողովրդական վերահսկողության կոմիտեի "Ժողովրդական վերահսկողության համակարգում ակտիվ աշխատանքի համար» մեդալներով։
1974 և 1978 թվականներին արժանացել է Երիտասարդության գիտատեխնիկական ստեղծագործության դափնեկրի դիպլոմների։
1977 թ. պարգևատրվել է ՀամԼԿԵՄ Կենտկոմի «Երիտասարդության դաստիարակության գործում ակտիվ աշխատանքի համար» պատվոգրով։
1980 թ. ապրիլի 25-ին պարգևատրվել է «Համամիութենական հարվածային կառույց Բայկալ-Ամուր մայրուղու շինարարությանն ակտիվ մասնակցության համար «Աշխատանքային արիության համար» մեդալով։
1981 թ. ապրիլի 12-ին պարգևատրվել է ԽՍՀՄ պետանվտանգության կոմիտեի «Սահմանապահ զորքերի գերազանցիկ» 1-ին աստիճանի շքանշանով,:
1981 թ. սեպտեմբերի 17-ին, ԽՍՀՄ Գերագույն Խորհրդի նախագահության հրամանագրով, «Արփա-Սևան» ջրատարի շինարարությանն ակտիվ մասնակցության համար պարգևատրվել է «Աշխատանքային արիության համար» ԽՍՀՄ մեդալով։
1982 թ. մարտի 26-ին, ԽՍՀՄ Գերագույն Խորհրդի նախագահության հրամանագրով, պարգևատրվել է «Աշխատանքային փառքի 3-րդ աստիճանի» շքանշանով:
1986 թ. հուլիսի 15-ին, ԽՍՀՄ Գերագույն խորհրդի նախագահության հրամանագրով, պարգևատրվել է «Պատվո նշան» շքանշանով։
1993 թ. ապրիլի 12-ին և 1995 թվականի հուլիսի 17-ին պարգևատրվել է ՀՀ Գերագույն Խորհրդի պատվոգրերով։
1998 թվականի ապրիլի 12-ին պարգևատրվել է ՀՀ վարչապետի շնորհագրով և մեդալով :
1999 թ. մարտի 9-ին պարգևատրվել է "Հայաստանի Հանրապետության երկրաշարժի գոտում փրկարար և վերականգնման աշխատանքներին ակտիվ մասնակցության համար» շնորհագրով և հուշամեդալով[9]։
2011 թ. փետրվարի 1-ին պարգևատրվել է ՀՀ սահմանադրական դատարանի ոսկե մեդալով[10]։
2016 թ. դեկտեմբերի 28-ին, ՀՀ Նախագահի հրամանագրով, «Պետական կառավարման համակարգում երկարամյա անբասիր գործունեության համար» պարգևատրվել է Մխիթար Գոշի մեդալով[11]։
2018 թ. ապրիլի 12-ին ՀՀ ոստիկանապետի հրամանով պարգևատրվել է «Համագործակցության ամրապնդման համար» մեդալով։
2019 թ. արժանացել է Համահայկական գրողների միության «Ոսկե դար» մրցանակի։
Գրքեր, հրապարակումներ
[խմբագրել | խմբագրել կոդը]Առուշան Հակոբյանը հեղինակ է 4 մենագրությունների, ինչպես նաև Վահան Տերյանի ստեղծագործությունների ժողովածուների, ուսումնասիրությունների 8 գրքերի համահեղինակ։
Ա․ Հակոբյանն ունի ավելի քան 50 գիտական և 70 վերլուծական հրապարակումներ (հայերեն, ռուսերեն, անգլերեն, ֆրանսերեն, վրացերեն)՝ նվիրված սահմանադրական իրավունքի, սահմանադրական արդարադատության, հայ մշակույթի, գրականության, ազգագրության, հայրենագիտության, պետական կառավարման, հայ-վրացական հարաբերությունների, գյուղատնտեսության տարբեր բնագավառներին, ռեգիոնալ զարգացման հարցերին ու խնդիրներին (տպագրված՝ Երևանում, Մոսկվայում, Կիևում, Թբիլիսիում, Բառնաուլում, Ս․ Պետերբուրգում, Կրասնոդարում)։
2015 թ. լույս է տեսել Ա․ Հակոբյանի «Փոշմանել եմ․․․ փոշմանելուց» բանաստեղծությունների ժողովածուն։
2024 թ. լույս է տեսել Առուշան Հակոբյանի «Ճամփեզրին նստած» բանաստեղծությունների ժողովածուն։
2015 թ. Ա․ Հակոբյանի հեղինակությամբ և մենախոսությամբ նկարահանվել է «Վահան Տերյան» երկու մասից բաղկացած ֆիլմը։
2019 թ. հրատարակվել է Ա․ Հակոբյանի «Վահան Տերյանի հետ» հանրագիտարանային գիրքը[12]՝ նվիրված Վ․ Տերյանի 135-ամյակին, որն արժանացել է Համահայկական գրողների միության տարվա մրցանակին։
2006 թ. Ա․ Հակոբյանը հրատարակել է «ШТРИХИ К ПОРТРЕТУ» գիրքը, նվիրված քաղաքական ու պետական գործիչ Պողոս Մակինցյանին
2010 թ. Ա․ Հակոբյանի խմբագրությամբ իրականացվել է «ШЕДЕВРЫ РУССКОЙ ПОЭЗИИ» ժողովածուի հրատարակումը։
2005 թ. Ա․ Հակոբյանի խմբագրությամբ «Տերյան մշակութային կենտրոնը» հրատարակել է Վահան Տերյանի "Ընտրանի. բանաստեղծություններ, թարգմանություններ, հրապարակումներ, նամակներ" ստեղծագործությունների 800 էջանոց լիակատար ժողովածուն, նվիրված Վահան Տերյանի 120-ամյակին։
Ա․ Հակոբյանը զեկուցումներով հանդես է եկել պատմամշակութային, սահմանադրական իրավունքի, հայ գրականության, սննդարդյունաբերության հարցերին նվիրված շուրջ 25 միջազգային գիտական և գիտագործնական համաժողովներում և միջոցառումներում։
Ա․ Հակոբյանը եղել է Վ․ Տերյանի 120, 125 և 135 ամյակներին նվիրված հանրապետական միջոցառումների, հանդիսավոր նիստերի զեկուցողը, ինչպես նաև պոետի 130-ամյակի միջոցառումների կազմակերպման հանձնաժողովի ղեկավար (կազմկոմիտեի նախագահ ՀՀ վարչապետ)։
Ծանոթագրություններ
[խմբագրել | խմբագրել կոդը]- ↑ Մասիսի շրջսովետի 1983 թվականի հուլիսի 2-ի N 8 որոշում
- ↑ ՀԿԿ Արարատի շրջկոմի 1988 թվականի հունիսի 26-ի պլենումի որոշում
- ↑ ՀՀ սննդարդյունաբերության նախարարի 1991 թվականի ապրիլի 5-ի N 123 հրաման
- ↑ ՀՀ Գերագույն Խորհրդի քարտուղարության 1992 թվականի հունիսի 16-ի N 234 հրաման
- ↑ Worldwide Government Directory with Intergovernmental Organizations 2013
- ↑ ՀՀ Սահմանադրական դատարանի նախագահի 1996 թվականի փետրվարի 9-ի N1 կարգադրություն
- ↑ ՀՀ Նախագահի 2006 թվականի հունվարի 4-ի ՆՀ-1-Ա հրամանագիր
- ↑ ՀՀ Սահմանադրական դատարանի նախագահի 2007 թվականի հուլիսի 7-ի N 3 կարգադրություն
- ↑ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ N 145 ՈՐՈՇՈՒՄԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1998 ԹՎԱԿԱՆԻ ԴԵԿՏԵՄԲԵՐԻ 30-Ի N 762 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ». www.arlis.am. 9 մարտի 1999 թվական. Վերցված է 2023 թ․ մարտի 28-ին.
- ↑ ՀՀ Սահմանադրական դատարանի նախագահի 2011 թվականի փետրվարի 1-ի ՍԴԱՈ-5 որոշում
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». president.am. Վերցված է 2023 թ․ մարտի 28-ին.
- ↑ «Վահան Տերյանի հետ | Zangak Bookstore». zangakbookstore.am. Վերցված է 2023 թ․ մայիսի 1-ին.
