Աբել Սիմոնյան

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Աբել Սիմոնյան
Ծնվել է	օգոստոսի 15, 1922(1922-08-15) Խնձորեսկ, Զանգեզուրի գավառ, Հայաստանի Սոցիալիստական Խորհրդային Հանրապետություն, ԱԽՖՍՀ, ԽՍՀՄ
Մահացել է	հունիսի 3, 1994(1994-06-03) (71 տարեկան) Երևան, Հայաստան
Քաղաքացիություն	ԽՍՀՄ և  Հայաստան
Ազգություն	հայ
Մասնագիտություն	պատմաբան և համալսարանի դասախոս
Հաստատություն(ներ)	Երևանի պետական համալսարան և Հայկական հանրագիտարան հրատարակչություն
Ալմա մատեր	Երևանի պետական համալսարան (1950)
Գիտական աստիճան	պրոֆեսոր և պատմական գիտությունների դոկտոր
Տիրապետում է լեզուներին	հայերեն
Կուսակցություն	ԽՄԿԿ

Աբել Պողոսի Սիմոնյան (օգոստոսի 15, 1922(1922-08-15), Խնձորեսկ, Զանգեզուրի գավառ, Հայաստանի Սոցիալիստական Խորհրդային Հանրապետություն, ԱԽՖՍՀ, ԽՍՀՄ - հունիսի 3, 1994(1994-06-03), Երևան, Հայաստան), հայ խորհրդային պատմաբան, պատմական գիտությունների դոկտոր (1969), պրոֆեսոր (1972)։

Կենսագրություն

Ավարտել է Երևանի համալսարանի միջազգային հարաբերությունների ֆակուլտետը (1950)։ 1939-1946 թվականներին ծառայել է խորհրդային բանակում, մասնակցել Երկրորդ համաշխարհային պատերազմին։ Եղել է Երևանի համալսարանի կուսկոմիտեի քարտուղար (1950-1953), ԽՄԿԿ պատմության ամբիոնի վարիչ (1961-1964), Հայկական սովետական հանրագիտարանի գլխավոր խմբագրի տեղակալ (1965-1974), գլխավոր խմբագիր (1974-1979)։ 1983 թվականից ՀԽՍՀ ԳԱ պատմության ինստիտուտի Սովետական Հայաստանի քաղաքների և գյուղերի պատմության բաժնի վարիչն էր։

Գիտական աշխատությունները վերաբերում են հայ ժողովրդի խորհրդային ժամանակաշրջանի պատմությանը։

Երկեր

• Երևան. 1920-1967, Երևան, 1968։
• Երևան 2750, Երևան, 1968 (համահեղինակ)։
• Քաղաքամայր Երևանը, Երևան, 1983։

Ծանոթագրություններ

Վիքիդարանն ունի նյութեր, որոնք վերաբերում են «Աբել Սիմոնյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 376)։